واشنگٽن: سومر 18 ڊسمبر 2017: آمريڪا ۾ ڪيل هڪ تحقيق مطابق چانهه اکين ۾ موتئي جي خطري کي 74 سيڪڙو تائين گهٽائي ٿي.اها تحقيق آمريڪا جي يونيورسٽي آف ڪيليفورنيا ۾ ڪئي وئي جنهن ۾ 10 هزار کان وڌيڪ ماڻهن جي خوراڪ ۽ صحت تي هڪ عرصي تائين غور ڪيو ويو ۽ انهن مان 1678 ماڻهن جي اکين جو معائنو ڪيو ويو، ماهر ان نتيجي تي پهتا ته جانهه پيئن ۽ موتئي وچ ۾ گهرو تعلق هوندو آهي ۽ چانهه اکين لاءِ به انتهائي فائديمند آهي.
موتئي جي مرض ۾ اک اندر آهستي آهستي دٻاءُ وڌندو آهي جيڪو رت جي رڳن کي متاثر ڪندو آهي ان کانپوءِ نظر متاثر ٿيندي آهي جيڪا ڏسڻ جي صلاحيت مڪمل طور تي ختم ڪري ڇڏيندي آهي ۽ مريض مڪڪمل طور تي انڌو ٿي ويندو آهي.
پوري دنيا ۾ نابينائي جو اهو سڀني کان وڏو سبب به هوندو آهي. هاڻ نئين تحقيق کانپوءِ ماهرن چيو آهي ته روزانو چانهه پيئڻ سان نظر کسيندڙ ان بيماري جو خطرو به 74 سيڪڙو تائين گهٽ ٿي ويندي آهي پر ڪافي، آئس ٽي ۽ ٻين سافٽ ڊرنڪس جي استعمال سان اکين کي ڪو خاص فائدو ناهي ٿيندو.ماهرن جو خيال آهي ته چانهه ۾ اينٽي آڪسيڊنٽس ۽ سوزش ختم ڪرڻ وارا جزا موجود هوندا آهن جيڪي اکين کي ان خطرناڪ مرض کان بچائيندا آهن پر ان سان گڏوگڏ ي ماهرن جو اهو به چوڻ آهي ته ان حوالي سان وڌيڪ تحقيق جي ضرورت آهي ته ڇا گرم چانهه ان مرض کي روڪيندي آهي يا وري ان جو سبب ڪو ٻيو هوندو آهي جڏهن ته برطانوي ماهرن ان تحقيق کي ڀليڪار ڪيو آهي
No comments:
Post a Comment